.okaun. .junpen. no'u la .telesan. / OKAŬ Ĵunpe aŭ Telesa / OKAU Junpe eller Telesa / 大川純平 テレサ

Mi skribis en la 18a de novembro 2011 japane:
Muziko, kiu bezoniĝas por vivi.
Muziko de BUGY CRAXONE estas muziko, kiun oni aŭskultas, kiam oni ege malgajas, miaopinie, kaj tio taŭgas ankaŭ por la novaj melodioj. Por ĉiuj du melodioj.

Ree temas pri la novaj melodioj de BUGY CRAXONE. Denove mi rimarkas, ke SUZUKI havas bonan voĉon. Voĉo estas funkcio de la korpo, kaj rekte personeca. Ĝi montras personecon, tial ĝi konvinkas. Tial ege bele.

Artikolo "Anteno de KINYÔBI - Ikuhôsya-anoj, kiuj bruas pri kritiko de studento de dua mezlernejo pri eduka politiko - Kritika diskuto de Takahasi Sirô, al kiu mankas pruvoj" en SYÛKAN KINYÔBI bonas. Ankaŭ skriba maniero de NONAKA Daiki bonas.

Elektanta komitato de lernolibroj en Yaeyama kvartalo [en guberno Okinawa] (TAMATU Hirokatu, eduka estro de urbo Isigaki, prezidas) en la 23a de aŭgusuto nuligis la rezulton de analizo de instruistoj, kaj post nur kvin minutoj de diskuto elektis lernolibrojn pri la socio de Ikuhôsya, eldonanta firmao, kiu rilatas al Tukurukai [grupo, kiu provas eldoni lernolibrojn, kiuj beligas la invadan militon de Japanio].

Reage al tio, studento de duagrada mezlernejo skribis artikolon "Kio okazos al demokratio en Yaeyama" en la ĵurnalo Yaeyama mainiti en la 1a de septembro.

Urba parlamentano ISIGAKI Tôru, kiu rilatas al la politika partio Jimin, insistas, ke la artikolo estas "kritiko al respektatula instruisto" en la urba parlamento. Kun tio li menciis, ke la estro de Yaeyama dua mezlernejo (...) estis Tamatu, la eduka estro. Sed opinioj kiel "Ĉu ne permesiĝas
kritiki respektatulan instruiston" aŭ "ĉiukaze difinas instruatoj, ĉu iu vere estas "respektatula instruisto"" kun malrespektanta surprizo, divastiĝas inter la loĝantoj.

Malbone agis inter alioj TAKAHASI Sirô, proferoro de Meisei universitato.
(El: SYÛKAN KINYÔBI en la 9a de decembro. Paĝaro 6.)

TAKAHASI Sirô, kiu en la novembra numero de la gazeto Nippon-no-ibuki laŭ miskompreno kalumniis la studenton de la dua mezlernejo, "rifuzis intervjuon. Li ŝajne ne intencas agi ion pri "respondeco pri klarigo.""

Cetere TAKAHASI estas unu el la propozantoj de "Gepatra studo". "Gepatra studo" estas "eduki gepatrojn", kaj kreiĝis, ĉar laŭe multiĝis gepatroj, kiuj nur ĝenas ĉirkaŭajn homojn. Se TAKAHASI serioze volus eduki gepatrojn, al kiuj mankas kumuna sento, tio estus komika. Certe li mem devas edukiĝi.
(El: SYÛKAN KINYÔBI en la 9a de decembro. Paĝaro 6.)

Mi volas, ke junuloj esprimu siajn opiniojn plu kaj plu.